Ўзбекистон Қизил ярим ой жамиятининг ХХII Қурултойи тўғрисида

2022 йил 08 июль куни Ўзбекистон ҚЯОЖнинг навбатдаги   ХХII Қурултой жамиятнинг тўқув методик марказида бўлиб ўтди.

Қурултой ишида Ўзбекистон ҚЯОЖ барча минтақавий/вилоят  ташкилотлари конференцияларида сайланган делегатлар, ҳамкор  вазирлик ва ташклотлардан таклиф этилган жамият фаоллари иштирок этдилар.

Қурултой иштирокчилари Миллий Жаият раиси Х.Я.Каримовнинг ”Ўзбекистон ҚЯОЖнинг 2016-2021 йиллардаги фаолияти бўйича ҳисоботи ва 2022-2025 йилларда ривожланиш истиқболларини белгилаш тўғрисида” маърузасини тинглади.

Шунингдек делегатлар эътиборига Қурултой мандат комиссияси ахбороти, Тафтиш комиссияси ҳисоботлари тақдим этилди.

Музокараларда:

Иноқов Алишер Қозоқович – Ўзбекистон Республикаси Тиббий –ижтимоий хизматларни ривожлантириш Агентлиги директори;

М.А.Бахриева   – Ўзбекистон Қизил ярим ой жамияти Навоий вилоят ташкилоти Раиси;

Сангита Кениг – Ҳалқаро Кизил Хоч Қўмитасининг Марказий Осиёдаги Вакиллиги раҳбари;

А.А.Ахмадов – Ўзбекистон Республикаси Фавқулодда вазиятлар вазирлигининг аҳоли ва худудларни муҳофаза қилиш бошқармаси бошлиғи;

Ф.С.Махмудходжаев – Тошкент шаҳар хокими ўринбосари;

Р.М.Акбаров  – Ўзбекистон Қизил ярим ой жамияти Сурхондарё вилоят ташкилоти Раиси сўзга чиқдилар.

Ҳисобот маърузалари бўйича қарор қабул қилди.

Шунингдек Қурултой делегатлари “Ўзбекистон Қизил ярим ой жамиятининг 2021-2025 йилларга мўлжалланган ривожланиш стратегик режаси” ва Ўзбекистон Қизил ярим ой жамиятининг ўзгартишлар киритилган Устави матнини тасдиқлади.

Қурултой Ўзбекистон Қизил ярим ой жамияти раҳбар органларини – Миллий Кенгаш аъзоларини, Раёсат аъзоларини ва Миллий жамият раисини сайлади.

Ўзбекистон Қизил ярим ой жамияти Раиси вазифасига бир овоз билан  Каримов Хомид Ёқубович сайланди.

Uzbekistan 24 телеканали репортажи (video)