01 Okt 2023
НАМАНГАН ХАЙРИЯ ТАДБИРЛАРИ
Сентабр ойи охирида Чуст вилоят шифохонасига бир нечта мактабгача ва таълим муассасаларидан 328 нафар бола ётқизилди. Касалхона турар жой ва чойшаб етишмаслигига дуч келди. Ушбу ҳолатни ҳисобга олган ҳолда, Наманган вилояти Қизил Ярим Ой жамияти ташкилоти касалхонага гуманитар ёрдам кўрсатишга қарор қилди.
Қуйидаги маҳсулотлар берилди: 30 замбил, 30 ёстиқлар, чойшаб 30 комплект, 500та бирмарталик шприцлар (10 г), вена инъекция учун 500та бирмарталик тизимлар.
Жамиятнинг Наманган вилояти ташкилоти томонидан вилоят қон қуйиш маркази биносида «Қон-бу ҳаёт» шиори остида хайрия-маърифий тадбир ўтказилди.
Тадбир давомида иштирокчиларга «қон ва унинг таркибий қисмлари тўғрисида»ги Ўзбекистон Республикаси Қонунининг моҳияти, қон топширишнинг аҳамияти, унинг хавфсизлигини таъминлаш бўйича ташкилий чора-тадбирлар, донорлик турлари, қон гуруҳлари ва резус-фактори ҳақида маълумот берилди. Видеоклип ҳам намойиш этилди, донорлар ҳаракатини тарғиб қилувчи плакатлар ва брошюралар тарқатилди.
Тадбир якунида 36 нафар кўнгилли ўз қонини топширди ва уларга, шунингдек, бир гуруҳ соҳа фаолларига Ўзбекистон ҚЯОЖ Наманган вилоят ташкилоти номидан қимматбаҳо эсдалик совғалари тантанали равишда топширилди.
