Birinchi yordamga o’rgatish

O’zbekiston Respublikasi Vazirlar Mahkamasining 2020 yil 26 avgustdagi
515-sonli “O’zbekiston Respublikasi favqulodda vaziyatlarda ogohlantirish va harakatlar davlat tizimini yanada takomillashtirish to’g’risida”gi qarori bilan tasdiqlangan aholi va hududlarni favqulodda vaziyatlardan himoya qilish bo’yicha davlat va xo’jalik boshqaruvi organlari, boshqa tashkilotlarning vazifalariga muvofiq O’zbekiston Qizil Yarim oy jamiyati zimmasiga jabrlanganlarga birinchi tibbiy va boshqa yordam ko’rsatish amaliyotini aholiga o’rgatishi yuklatilgan.

Birinchi yordam – bu tibbiy xodim kelgunga qadar o’tkir kasallik yoki shikastlanish joyida bajarilishi kerak bo’lgan shoshilinch choralar majmui. Birinchi yordamning asosiy vazifasi – jabrlanuvchining hayotiga tahdid soladigan hodisalarni bartaraf etish (masalan, zarar etkazuvchi omil ta’sirini to’xtatish), shu bilan hayot uchun xavfli asoratlarning rivojlanishiga yo’l qo’ymaslik va oxir oqibat hayotni saqlab qolish. Birinchi yordam to’g’ri bajarilganda (mashg’ulot zarur) va iloji boricha tezroq (ideal holda darhol, o’ta og’ir holatlarda – jarohatdan keyingi dastlabki 30 daqiqa ichida) samarali bo’ladi.

“Birinchi yordam” – bu ko’plab mamlakatlarning Milliy jamiyatlari, Xalqaro Qizil Xoch Qo’mitasi va Xalqaro Qizil Xoch va Qizil Yarim oy Federatsiyalari qutqaruvchilari va maslahatchilari tomonidan yaratilgan birinchi tibbiy yordam ko’rsatishning eng yangi standartlarini qo’llaydigan noyob o’quv kursi. Dasturning asosiy kursi – maxsus tibbiy ma’lumotga ega bo’lmaganlarga mo’ljallangan kurs. Olingan ko’nikmalar ish joyida yoki baxtsiz hodisada shikastlangan, kasallikning to’satdan hujumidan aziyat chekkan kishiga boshlang’ich yordam ko’rsatishga, shuningdek favqulodda vaziyatlarda malakali tibbiy yordam va boshqa maxsus xizmatlar kelgunga qadar o’zini ishonch bilan tutishga imkon beradi.

Bizning birinchi yordam bo’yicha kurslarimiz mukammal nazariy bilimlar bazasi va keskin vaziyatlarda amaliy tajribaga ega bo’lgan malakali mutaxassislar tomonidan amalga oshiriladi. O’qitish davomida xodimlar baxtsiz hodisalar, shikastlanishlar, yong’inlar, zaharli moddalar yoki gazlar bilan zaharlanish va ishdagi boshqa favqulodda vaziyatlar birinchi tibbiy yordam ko’rsatilishini to’liq o’rganadilar.

O’zbekiston QYaOJ har bir xohlovchiga birinchi tibbiy yordam kurslarida o’qish imkoniyatini beradi. Bu erda ular nafaqat har qanday o’ta og’ir vaziyatda qanday harakat qilish va jabrlanuvchiga qanday yordam berish haqida bilim olishi, balki olgan ko’nikmalaringizni amalda qo’llashi ham mumkin.

СИЗ ШИФОКОРГАЧА БИРИНЧИ ЁРДАМ КЎРСАТА ОЛАСИЗМИ ?

шифокоргача ёрдам – бахтсиз ҳодиса юз берган
жойда жабрланувчининг саломатлигига зарар етиши
ёки бевосита хавф даражасини камайтириш ёки
шундай ҳодисаларнинг олдини олиш мақсадида
кўрилиши зарур бўлган чора-тадбирларни ўз ичига олади

ҲАЁТНИ САҚЛАБ ҚОЛУВЧИ БИЛИМ!

Ўзбекистон Қизил Ярим Ой Жамияти Сизларни, “Аҳолини шифокоргача Биринчи ёрдам кўрсатиш” курсларига таклиф этади.

Бу курслар Қизил Хоч ва Қизил Ярим Ой Жамиятлари Халқаро Федерациясининг Биринчи ёрдамга ўқитиш Глобал таълим ресурслари Маркази томонидан ишлаб чиқилган Ҳалқаро стандартлар асосида ташкил этилади ва қуйидаги мавзуларни ўз ичига олади:

		Ходиса рўй берганда жойни кўздан кечириш ва шахсий хавфсизлини таъминлаш қоидалари; Жабрланганларни бирламчи кўрикдан ўтказиш; “Тез тиббий ёрдам” хизматини воқеа жойига тўғри чақириш; Жабрланганларга шифокоргача биринчи ёрдам;
		Хушсиз ҳолатдаги жабрланганларга шифокоргача биринчи ёрдам кўрсатиш асослари; Заруриятга кўра, “Юрак-ўпка реанимация”сини ўтказиш техникаси; Нафас йўлларидаги ёт жисмни бартараф этиш усуллари
		Турли хил жароҳатларда шифокоргача биринчи ёрдам кўрсатиш; ташқи ва ички қон кетишлар: қон кетишларда жабрланувчи бирламчи кўрикдан ўтказиш; жабрланганларга боғламлар қўйиш усуллари;
		Ўсмирлар, болалар ва гўдакларга биринчи ёрдам кўрсатишнинг ўзига хос хусусиятлари: Бирламчи кўрикдан ўтказиш; “Юрак-ўпка реанимация” сини ўтказиш техникаси;