Сайт  харитаси

Информацион бюллетень

"Эзгулик" 

2017 йил

 - Биринчи сон

 - Иккинчи сон

 - Учинчи сон

 - Тўртинчи сон

 

2018 йил

- Биринчи сон

- Иккинчи сон

 -Учинчи сон

Янгиликлар

<  1   2   3   4   5   6   7   8   9 >

 

 

 

 

 

“МАҲАЛЛА ФУҚАРО МУҲОФАЗАСИ” ТИЗИМИДА ЎҚУВ МАШҒУЛОТЛАРИ

ЎҚЯОЖ Сурхондаё вилоят ташкилоти Ўзбекистон Республикаси ВМнинг 2017 йил 21 августдаги “Аҳолининг фавқулодда вазиятларда ҳаракат қилишга тайёргарлигини оширишга доир қўшимча чора-тадбирлар тўғрисида”ги 650-қарорига мувофиқ “Маҳалла фуқаро муҳофазаси” йиғма гуруҳларини ўқитишни йўлга қўйди.

Бунинг учун Фуқароларнинг ўзини-ўзи бошқариш органлари фаолиятини мувофиқлаштирувчи вилоят кенгаши, вилоят Соғлиқни сақлаш бошқармаси ва ЎҚЯОЖ вилоят ташкилотининг МФЙда ФВда ҳаракат қилувчи йиғма гуруҳларни тузиш бўйича қўшма буйруғи қабул қилинди. Унда 2018-2022 йилларда “Маҳалла фуқаро муҳофазаси” тузилмалари йиғма гуруҳлари санитартия бўлинмаси аъзоларини босқичма босқич Соғлиқни сақлаш вазирлиги ва ЎҚЯОЖ томонидан тасдиқланган дастур асосида ўқитиш белгиланган.

2018 йил сентябрь ўртасигача ЎҚЯОЖ вилоят ташкилоти томонидан Термиз шаҳрида 4 маҳаллада, Бойсун туманида 5 маҳаллада, Денов туманида 8 маҳаллада 6 соатлик курслар ташкил этилди ва уларда жами 68 киши таълим олди. Энди ушбу санитар звенолари аъзолари аҳолини фавқулодда вазиятларда биринчи ёрдам кўрсатиш кўникмаларига ўқитишади.  

ИЖТИМОИЙ БУЮРТМА ЛОЙИҲАСИ

 Сўнгги икки йил мобайнида мамлакатимиз раҳбарияти аҳоли ва ҳудудларни турли фавқулодда вазиятларга тайёрлаш ишига катта эътибор бермоқда. Бу масалани сифатли ҳал қилиш учун Вазирлар Махкамаси томонидан 2017 йил 21 августда “Ахолининг фавқулодда вазиятларда ҳаракат қилишга тайёргарлигини  оширишга  доир қўшимча чора-тадбирлар тўғрисида” 650-сонли қарори қабул қилинган эди.

Ҳукуматнинг бу соҳага оид муҳим ҳужжатларини амалга оширишга кўмаклашиш мақсадида ЎҚЯОЖ Ўзбекистон Республикаси Олий Мажлиси ҳузуридаги ННТ ва фуқаролик жамиятининг бошқа институтларини қўллаб-қувватлаш жамоат фондига маҳалла фуқаролар йиғини (МФЙ)нинг ФВдан ҳимояланишга тайёргарлик даражасини мустаҳкамлаш орқали уларнинг потенциалини кўтаришга мўлжалланган “Аҳолини фавқулодда вазиятлардан самарали ҳимоя қилиш - аҳоли хавфсизлиги ва жамият барқарор ривожланишининг асосидир” номли  ижтимоий буюртма лойиҳасини тақдим этди.  Парламент  комиссияси ушбу лойиҳани тасдиқлади. Лойиҳа буютмачиси - республика Фавқулодда вазиятлар вазирлиги унга 150 миллион сўм, ЎҚЯОЖ эса ўз заҳиралари ҳисобидан қўшимча яна 50 миллион сўм ажратишга қарор қилишди. Маҳалла фуқаролар йиғинлари учун тайёрланган ушбу лойиҳани ижро этишда ЎҚЯОЖ Тошкент шаҳар ташкилоти, Тошкент вилоят ҚЯОЖнинг Ангрен ва Олмалиқ шаҳарлари ҳамда Оҳангарон туман бўлимлари қатнашади.

Ўзбекистон ҚЯОЖ давлат буюртмаси маблағлари ҳисобидан Тошкент шаҳрида 11 маҳаллани, Тошкент вилоятида 9 маҳаллани тажриба тариқасида қамраб олиш, уларни Фавқулодда вазиятлар, Соғлиқни сақлаш бошқармалари, “Маҳалла” фонди бўлимлари билан биргаликда таянч базалари сифатида шакллантиришни режалаштирган. Ижтимоий буюртмани барқарорлик билан амалга оширилмоқда. Хусусан, “Маҳалла фуқаро муҳофазаси” йиғма гуруҳларининг ФВ пайтида ишлашини таъминлаш ва омборлар учун зарур бўлувчи товарлар сотиб олинди. Республика Фуқаро муҳофазаси институти билан ҳамкорликда маҳалла фаолларига ёрдам кўрсатувчи брошюра ва буклетлар тайёрланмоқда. Бундан ташқари, август ойида ЎҚЯОЖ РЎУМ базасида 20 та танланган МФЙ санитар звенолари раҳбарлари учун Биринчи ёрдам кўрсатиш бўйича семинарлар ўтказилди. Жойлардаги ҚЯОЖ ташкилотлари ўзларининг лойиҳага оид ишларини авж олдирдилар.  

Масалан, 2018 йил 19 июнда ҚЯОЖ Тошкент шаҳар ташкилотида 11 тумандан танлаб олинган маҳалла фуқаро йиғинлари вакиллари иштирокида семинар ўтказилди. Унда лойиҳа координатори У.Қ.Муҳамедова “Маҳалла фуқаро муҳофазаси” йиғма гуруҳларини ўқитиш ва уларни зарур жиҳозлар билан таъминлаш ҳақида гапирди.  Тошкент шаҳар ФВ бошқармаси Аҳоли ва раҳбарлар таркибини тайёрлаш маркази бошлиғи, подполковник Н.Смайлов ушбу давлат ижтимоий буюртмасининг мақсади, маҳаллий маъмуриятлар олдидаги вазифалар ҳақида атрофлича тушунтириш берди. Тошкент шаҳар соғлиқни сақлаш бошқармаси мутахасиси  С.Зупаров ЎҚЯОЖ билан ҳамкорликда аҳолини фавқулодда вазиятларда биринчи ёрдам кўрсатиш кўникмаларига ўқитишга оид ўз маслаҳатларини  берди.

Семинарда лойиҳани бажаришга тааллуқли қуйидаги асосий вазифалар гуруҳи ишлаб чиқилди – бу энг аввало “Маҳалла фуқаро муҳофазаси” Марказларида ўқув-ахборот пунктларини тузиш, танланган маҳаллаларда ФВда аҳолини эвакуация қилиш режаларини ишлаб чиқишга, маҳаллалардаги хавф-хатарлар харитасини тузишга кўмаклашиш; аҳоли ва “Маҳалла фуқаро муҳофазаси” йиғма гуруҳи аъзоларини биринчи ёрдам кўрсатиш кўникмаларига ўргатишга оид симуляциявий машқлар ўтказиш режасини тузиш; маҳаллий аҳолини йиғиш ва эвакуция қилиш бўйича, мактаб-маҳалла-болалар боғчаси тизимидагиларни хавфсиз жойларга шошилинч йиғиш бўйича амалий машғулотлар ташкил қилиш, маҳалла аҳолисининг ФВда мавжуд имкониятлар ва ресурслар билан мустақил ҳаракатланиш қобилиятини текшириш.

ЎҚЯОЖ Тошкент шаҳар ва Тошкент вилоятларининг бошқа ташкилий тизимлари билан бир қаторда ҚЯОЖ Ангрен шаҳар бўлими ҳам давлат органлари билан биргаликда тайёр йиғма санитар звенолари аъзолари кучи билан аҳолини биринчи ёрдам кўрсатишга тайёрлашга ўқитиш жардвалини ишлаб чиққан ва аллақачон белгиланган маҳаллаларда аҳолини биринчи ёрдамга ўқитиш бўйича 6 соатлик тренингларни фаол равишда ўтказмоқда.  

ХАЛҚАРО ТАДБИРЛАР

2018 йил 13 - 15 июнда Минск шаҳрида (Белоруссия) ХҚХҚнинг РФ, Белоруссия ва Молдовадаги Минтақавий ваколатхонаси  томонидан ташкил этилган “Оилавий алоқаларни тиклаш ва миграция” масалалари бўйича субминтақавий учрашув бўлиб ўтди.

Мазкур йўналишдаги фаолият потенциалини янада кўтариш, Белоруссия, Россия Федерацияси, Украина, Арманистон, Қозоғистон, Қирғизистон, Тожикистон, Туркманистон ва Ўзбекистон Миллий жамиятларининг ана шу соҳада ўзаро тажриба алмашуви ва ҳамкорлигини йўлга қўйиш учрашувнинг асосий мақсади бўлди. 

Тадбирда ҚХваҚЯО ХФнинг Оилавий алоқаларни тиклаш ва миграция бўйича 2018+ стратегиясининг бажарилиши; Ушбу соҳада ўтган йилги натижалар / ютуқлар / энг илғор тажрибалар / муаммолар ва келгусидаги вазифалар; Соҳадаги II жаҳон урушига оид ишлар; FL Answers бўйича тажриба ва миграция муаммоларига оид  ва бошқа маърузалар тингланди.

Миллий жамиятлар ва ХҚХҚ вакилларининг чиқишлари иштирокчиларнинг қизиқишига ва улар орасида баҳс-мунозараларга сабаб бўлди. Ҳар бир Миллий жамиятнинг тажрибаси улардаги маҳаллий хусусиятлардан келиб чиқадиган ижобий томонларга эгалиги алоҳида таъкидланди. 

Яқин келажакда бошқа Миллий жамиятларнинг муайян тажрибаси тегишли тартибда Ўзбекистон ҚЯОЖ фаолиятига имплементация қилиниши режалаштирилмоқда.

 2018 йил 3 - 5 июлда Алмати шаҳрида (Қозоғистон) Биринчи ёрдам кўрсатиш бўйича минтақавий эксперт гуруҳининг II ишчи учрашуви бўлиб ўтди, унда собиқ Иттифоқ ҳудудидаги 11 та ҚХ ва ҚЯО Миллий жамиятларининг вакиллари иштирок этишди.

Учрашувда минтақаларда Биринчи ёрдам кўрсатиш ишига ягона ёндошув; ўқитиш тизимини ташкил этишдаги энг муҳим эҳтиёжлар; Биринчи ёрдам муаммолари ва техникавий масалалар ечимини биргаликда излаш ва бошқалар кўриб чиқилди.

Кун тартибига мувофиқ учрашув якунида – 1) Минтақада Биринчи ёрдамни ривожлантириш режаси; 2) Эксперт гуруҳининг Низоми; 3) Келажакда Биринчи ёрдамни оммалаштириш ва ривожлантиришга оид таклифлар ишлаб чиқилди.

2018 йил 19 - 20 сентябрда Бишкекда (Қирғизистон) Қирғиз Республикаси Қизил Ярим Ой Миллий Жамиятининг Қидирув хизмати ташкил этилганининг 25 йиллигига бағишланган Форум бўлиб ўтди.

Форумнинг мақсади қидирув фаолиятига жалб этилган кишилар ва ташкилотларни ҳам миллий, ҳам халқаро даражада бирлаштиришдан иборат бўлди. Форум ҚХ ва ҚЯО Миллий жамиятлари ўртасидаги алоқаларни мустаҳкамлашнинг навбатдаги босқичи бўлди ва ушбу фаолиятдаги ишларда янги уфқларнинг очилишига ҳамда оилавий алоқаларни тиклаш ва қидирув фаолиятининг янада муваффақиятли бўлишига ёрдам берди.  

 

 

«САЛОМАТЛИК КУНЛАРИ» АКЦИЯСИ

Республикамиз ҳудудида 7-8 сентябрда «Саломатлик кунлари» ўтказилди. Бу кунлар Бухоро вилояти шаҳар ва туманларида катта байрам сифатида нишонланди.

 ҚЯОЖ вилоят ташкилоти ва Соғлиқни сақлаш бошкармаси барча поликлиникалар, нодавлат нотижорат ташкилотлар, репродуктив саломатлик маркази, хусусий даволаш масканлари иштирокида Бухоро шаҳар марказидаги “Сомонийлар” боғида 2 кун давомида 1060 кишини тиббий кўрикдан ўтказишди. Шу жумладан, ҚЯОЖ қарамоғида бўлган якка-ёлғизлар, ногиронлар ҳам тиббий кўрикдан ўтказилди ва уларга жамиятнинг “Шахсий гигиена”, “Соғлом бўлишнинг олтин қоидаси”, “Ёшлар ўртасида соғлом турмуш тарзини шакллантириш” мавзуларидаги буклетлари тарқатилди.

80 киши, асосан Жамият қарамоғида бўлганлар иштирокида “Аҳолига биринчи ёрдам бериш усуллари”, “ФВга тайёргарлик кўриш ва ҳаракатланиш” мавзуларида муляжлар ёрдамида амалий машқлар ўтказилди. Поликлиникалар патронаж хизмати вакилларига халатлар берилди, тадбирнинг барча иштирокчиларига “Дори-дармон” АЖ томонидан фиточойлар тарқатилди.

Тадбирда Ўзбекистон Республикаси Соғлиқни сақлаш вазири А.Қ.Шодмонов иштирок этди ва ЎҚЯОЖ Бухоро вилоят ташкилоти фаолиятини акс эттирувчи кўргазма билан танишди.

 

 

 

ОАВ ВА ОФАТЛАРДА ТЕЗКОР ҲАРАКАТЛАНУВЧИ МИЛЛИЙ ЖАМОА ВАКИЛЛАРИ ЙИҒИНИ

Тошкент вилоятининг Бўстонлик туманида жойлашган Хўжакент дам олиш оромгоҳида 27-31 август кунлари Ўзбекистон ҚЯОЖ тасарруфидаги офатларда тезкор ҳаракатланувчи миллий қуткарув гуруҳининг дала машқлари ва ОАВнинг бир гуруҳ ходимлари иштирокида семинар-тренинг ўтказилди.

Тадбирда ЎҚЯО Жамияти ижрочи директори Э.А.Амиралиева, ХҚХҚнинг Марказий Осиёдаги Минтақавий ваколатхонаси раҳбари ўринбосари Франциско Хавьер Сеперо жаноблари иштирок этдишди. 

Тадбир давомида ЎҚЯОЖ вакиллари иштирокчиларга ҚХ ва ҚЯО ХҲ, ЎҚЯОЖ тарихи ва фаолияти, жамиятнинг “Мехр шафқат” хизмати, Биринчи ёрдам кўрсатиш, Фавқулодда вазиятларга тайёрланиш ва у юз берганда фаолият олиб бориш, Халқаро инсонпарварлик ҳуқуқи, Ҳаракатнинг тимсоллари, Қидирув хизмати ва бошқа фаолият йўналишлари тўғрисида маълумот бердилар.

Офатларда тезкор ҳаракатланувчи Миллий жамоа эвакуация қилинганларни қабул қилувчи чодирлар шаҳарчасини қуриш, бу шаҳарчага электр энергияси берувчи электрогенератор, соатига 80 000 литр ичимлик сувини тозалаб берувчи қурилма каби техник жиҳозларни тайёрладилар. ЎҚЯОЖнинг барча вилоят ташкилотларидан келган ФВ бўйича ходимлари ва кўнгиллилари илгаридан ишлаб чиқилган машғулотлар сценарийсига мувофиқ жойларда харитага кўра мўлжал олиш, харобаларда ишлаш, эҳтимолий зилзилада бузилган бинолардан жабрланганларни олиб чиқишда ўз кўникмаларини янада мустаҳкамладилар. Бундан ташқари Миллий жамоа аъзолари Жамият ФВ пайтида жабрланган аҳоли оқимини қайдай эвакуация қилиш ва уларга инсонпарварлик ёрдамини тарқатишини журналистларга намойиш қилдилар.

Тадбир иштирокчиларда катта таассурот қолдирди ва эзгуликни ўз фолиятининг бош мақсади деб билувчи ЎҚЯОЖ ҳакида янги маълумотларга эга бўлдилар. Тадбирда иштирок этган ЎзА ходими, шоира, Ўзбекистон ёзувчилар иттифоқи аъзоси Озода Бекмуродова тадбирга бағишланган шеърини ёзди. Семинар-тренинг қатнашчиларига тегишли сертификатлар топширилди.

 

 

 

ОИЛАВИЙ РИШТАЛАРНИ ТИКЛАШГА  ОИД МИНТАҚАВИЙ СЕМИНАРЛАР

 2018 йил 11-12 майда Самарқандда, 9-11 августда Фарғонада “Оилавий алоқаларни тиклаш” дастури доирасида минтақавий семинарлар бўлиб ўтди.

Самарқанддаги семинарда Бухоро, Жиззах, Навоий, Қашқадарё ва Самарқанд вилоятлари масъул ходимлари, Фарғонада эса Андижон, Наманган ва Фарғона вилоятлари масъул ходимлари иштирок этишди. Қатнашчилар ХҚХҚнинг Марказий Осиёдаги Минтақавий ваколатхонаси вакили Ж.Расулев, Қозоғистонлик координатор Л.Г.Шамшура ва Ўзбекистон ҚЯОЖ тиббий-ижтимоий бўлими раҳбари С.М.Умаровнинг ана шу йўналишдаги маърузаларини тингладилар.  

Семинар дастурига мувофиқ иштирокчилар ХҚХҚнинг Оилавий алоқаларни тиклаш соҳасидаги фаолияти, шу жумладан фавқулодда вазиятларда ана шундай фаолиятни юритиш, бу йўналишда ишлашнинг турли усуллари ва излаш жараёнида хатти-ҳаракатлар алгоритми билан танишдилар.

Тингловчилар ЎҚЯОЖ томонидан илк бор ташкил этилган бундай минтақавий семинарларнинг юқори савияда ўтганлиги, ўзларининг ушбу йўналишдаги назарий билимлари ва амалий кўникмаларини мустаҳкамлашганини таъкидлаб, бу каби тадбирларни мамлакатимизнинг барча минтақаларида ўтказиш мақсадга мувофиқ бўлишини билдирдилар. Тадбирлар якунида қатнашчиларга сертификатлар топширилди.

 

 

БИРИНЧИ ЁРДАМ КЎРСАТИШГА ОИД ЎҚУВ СЕМИНАРЛАРИ

2018 йил 27 июлда ЎҚЯОЖ Наманган вилоят ташкилотида шаҳар, туманлар бўлимлари “Меҳр-шафқат” хизмати ҳамширалари, 7 август куни эса Косонсой тумани маҳалла фуқаролар йиғинлари раисларининг маслаҳатчилари ва котиблари биринчи ёрдам кўрсатиш асосларига ўқитилди.  

Иштирокчиларга ҚХ ва ҚЯО ХҲ тамойиллари, Ўзбекистон ҚЯОЖнинг мақсад ва вазифалари, Биринчи ёрдам кўрсатиш тамойиллари, жабрланувчини кўчириш қоидалари, одам анатомияси ва физиологияси асослари ҳақида ахборот берилди. Улар юрак-қон томирлари ва нафас йўллари касалликлари, иссиқ ва совуқнинг инсонга турли жароҳатлар ва куйишларда биринчи ёрдам кўрсатиш усуллари, йўл-транспорт ҳодисаларида жабрланганлар ёрдам кўрсатиш қоидаларини муҳокама қилдилар. Ҳар бир мавзу юзасидан амалий машғулотлар ўтказилди. Иштирокчиларга Ўзбекистон Республикасининг “Қон ва унинг таркибий қисмлари донорлиги тўғрисида”ги Қонунининг мазмун-моҳияти, ёшлар ўртасида беғараз донорликни ривожлантиришда амалга оширилиши лозим бўлган ишлар хусусида тегишли тавсия ва йўл-йўриқлар берилди.  

Ўқув-семинарларида иштирокчиларнинг назарий билимлари синовдан ўтказилиб, уларга тегишли сертификатлар тақдим этилди.

 

 

8  июн 2018

БИЛИМДОНЛАР БЕЛЛАШУВИ

 Ўзбекистон ҚЯОЖ ва Ўзбекистон ЁИ ўртасида “Ёшларга оид давлат сиёсатини амалга ошириш бўйича тузилган чора-тадбирлар дастури”да ўқувчилар ўртасида турли-туман тадбирлар, шу жумладан Билимдонлар беллашувини ўтказиш кўзда тутилган эди.

Ундан кўзланган асосий мақсад - ёшларнинг маънавий баркамоллигини юксалтириш, талабаларнинг ижодий-интеллектуал қобилияти ва салоҳиятларини рўёбга чиқаришга  кўмаклашиш, уларни миллий қадриятлар ва эзгулик ғоялари руҳида тарбиялаш, талаба ёшлар орасида КХ ва ҚЯО Халқаро ҳаракати  ҳамда халқаро инсонпарварлик тамойилларини  ёйишда йигит-кизларнинг иштирокини фаоллаштириш, табиий ва техноген хусусиятли фавқулодда вазиятларда  ёшларнинг ўзини тутиш коидаларига риоя этиши, ўзини ҳимоя килиши ва бошқаларга кўмак беришда уларнинг тайёргарлигини ошириш, аҳолининг ижтимоий эҳтиёжманд тоифадаги вакилларига меҳр-мурувват, хайрия ва инсонийлик ёрдамларни кўрсатишга ўргатиш, ёшларда биринчи ёрдам кўрсатиш кўникмаларини шакллантириш, талаба-ёшларни  кўнгиллилар сафига кенг жалб этишдан иборат.

Мамлакатнинг деярли барча минтақаларида бундай мусобақалар бўлиб ўтди. Уларда иштирок этган жамоалар Кизил Ярим Ой Жамияти тарихи, фаолияти ва устувор йўналишларини нечоғлик билишлари, фавқулодда вазиятларларда қандай ҳаракат қилиниши, ҳимояланиши ва ўзини тутиши лозимлиги, халқаро инсонпарварлик ҳуқуқини тарғиб қилиш бўйича ўзларининг билимлари, маҳоратлари, кўникмалари, зукколиги ва топкирлигини намойиш килдилар ва ўзаро беллашдилар. Иштирокчи-жамоаларнинг ҳар бир чиқиши нуфузли Ҳакамлар ҳайъати аъзолари томонидан холисона ва одиллик билан  баҳолаб борилди.

2018 йилнинг 7 апрел куни Фарғона вилоятидаги касб-ҳунар коллежлари (КҲК) ва академик лицей (АЛ) ўқувчилари ўртасида “Қувноқлар ва зукколар” кўрик-танловининг вилоят босқичи бўлиб ўтди.

Мазкур кўрик-танловда биринчи ўринни Ўзбекистон тумани маиший хизмат КҲК жамоаси қўлга киритди, иккинчи ўринни Риштон АЛ жамоаси, учинчи ўринни эса Қўқон шаҳар туризм ва сервис тадбиркорлик КҲК жамоалари қўлга киритишди.

Ушбу кўрик-танловларда жами 1,5 минг нафардан ортиқ ўқувчилар қатнашди. Улар Ўзбекистон ҚЯОЖнинг фаолияти ва тарихи, турли фавқулодда вазиятлар рўй берганда жабрланганларга биринчи ёрдам бериш бўйича ўз билимларини намойиш этишди.

7 июнь куни Андижон шаҳридаги вилоят қўғирчок театрида ўрта махсус, касб-хунар таълими муассасалари талабалари ўртасидаги “Қувноқлар ва зукколар” мусобакасининг вилоят боскичи ўтказилди. 

Қизғин ва муросасиз кечган беллашувлар натижасига кўра, Олтинкўл Иқтисодиёт КҲК “Андижон зукколари” жамоаси биринчи ўринни, Пахтаобод Енгил саноат КҲК “Бирлик” жамоаси иккинчи ўринни, Избоскан Агросаноат КҲК “Талабалар” жамоаси эса учинчи ўринни  эгаллади. Уларга КЯОЖ вилоят ташкилоти томонидан таъсис этилган Диплом ва қимматбаҳо совғалар тантанали равишда топширилди.  

Шунингдек, 8 та номинация бўйича, яъни “Энг намунали коллеж жамоаси” номинацияси бўйича Мархамат тумани “Ёш кўнгиллилар” жамоаси, “Энг фаол иштирок этган жамоа” номинацияси бўйича Андижон тумани “Келажак эгалари” жамоаси, “Энг кувнок ва зукко жамоа” номинацияси бўйича Қўрғонтепа тумани “Нажоткор ёшлар” жамоаси, “Қизил Ярим Ой Жамиятининг энг билимдон жамоаси” номинацияси бўйича Асака тумани “Ибн Сино авлодлари” жамоаси, “Қизил Ярим Ой Жамияти фаолиятини кенг тарғиб этган жамоа” номинацияси бўйича Андижон шаҳар “Ёш тиббиётчилар” жамоаси, “Энг кўркам ва намунали либосга эга бўлган жамоа” номинацияси бўйича Балиқчи тумани  “Фидойилар” жамоаси, “Энг яхши саҳна кўринишини намойиш этган жамоа” номинацияси бўйича Бўз тумани “Нажоткор” жамоаси, “Энг ёш иштирокчи-жамоа” номинацияси бўйича Шаҳрихон тумани “Шаҳрихон қалқонлари” жамоаси ҚЯОЖ вилоят ташкилотининг эсдалик совғалари билан мукофотландилар.

  

19 май 2018

ҚЎМОНДОНЛИК-ШТАБ ЎҚУВ МАШҚЛАРИ

 Аҳоли ва ҳудудларни фавқулодда вазиятлардан ҳимоя қилишнинг 2018 йилдаги асосий тадбирларига оид режага асосан 2018 йил 10-12 май кунлари Норин туманида “Бошқарув органлари, ФВДТ ҳудудий ва функционал қуйи тизимларининг табиий ҳамда техноген хусусиятли фавқулодда вазиятлар оқибатларини бартараф этиш бўйича ҳаракати” мавзусида қўмондонлик-штаб ўқув машқи ўтказилди.

Қўмондонлик-штаб ўқув машқида ЎҚЯОЖ вилоят ташкилотининг офатларда ҳаракатланиш гуруҳи (ОҲГ) ФВДТнинг функционал ва ҳудудий қуйи тизимлари билан биргаликда санитария дружиналарининг тайёргарлик ҳолатини, уларга юклатилган вазифаларни бажаришлари учун керакли асбоб-анжомлар билан жиҳозланиш даражасини текширдилар. Машқ давомида фавқулодда вазиятлардан зарар кўрган аҳолига ёрдам кўрсатиш учун ҚЯОЖнинг энг зарур товарлар омборлари ва заҳиралари тизими ташкил этилди, туман шошилинч тиббий ёрдам кўрсатиш бригадалари дала шароитида зарур бўладиган палаткалар билан таъминланди.

Машқларда вилоят ташкилоти масъул ходимлари ва офатларда ҳаракатланувчи жамоа (КРБ) аъзоларининг амалий ҳаракатлари уйғунлаштириб  борилди. Шартли зарар кўрганлар эса хавфсиз жойларга эвакуация қилиниб, уларга биринчи тиббий ёрдам кўрсатилиши таъминланди.

 2018 йил 15-18 май кунлари Навоий вилояти Навбаҳор тумани ҳудудида “ФВДТ ҳудудий қуйи тизимларининг аҳоли ва ҳудудларни табиий ҳамда техноген хусусиятли фавқулодда вазиятлардан муҳофаза қилиш бўйича ҳаракати” мавзусида қўмондонлик-штаб ўқув машқлари (ҚШМ) ўтказилди.

Машқ давомида туманлар ФВДТ хизматларининг ўзаро ҳамкорликда бошқариш органларини, иқтисодиёт объектлари ва хизматлар раҳбарларини хабардор қилиш ва йиғиш, жабрланган туманлардаги аҳвол ҳақида ахборот йиғиш, уларни умумлаштириш, вазиятга баҳо бериш, ўзаро ахборот айирбошлаш ва туман Фуқаро муҳофазаси (ФМ) бошлиғининг қарор қабул қилиши, ФВДТ хизматларининг ФВ оқибатларини бартараф этишга оид ҳаракатлари, офат юз берган ҳудуддаги аҳоли ҳаётини ташкил этишга оид назарий ва амалий масалалар кўриб чиқилди. Машқларга барча туманлар ҚЯОЖ бўлимларининг 100 дан ортиқ ходими ва кўнгиллилари, 20 та қутқарувчи ва Навоий кончилик институти базасида ташкил этилган Офатларда ҳаракатланувчи жамоа (КРБ) жалб этилди.

            Ўқув машқи ғоясига кўра Навбаҳор тумани Қизил равот МФЙдаги Ижанд ва Навруз қишлоқлари ҳудудидаги кучли ёмғир натижасида сел келиб 25 та хонадон жиддий талофат кўрди. Навбаҳор туман Қизил Ярим Ой Жамияти ишчи ходимлари ва 10 нафар кўнгилли қутқарувчилари талофат кўрган хонадонларга ёрдам беришди. Туман ҚЯОЖ заҳира омборидан 650 минг сумлик зарурий уй рўзғор анжомлари талофат кўрган 5 та оилага тарқатилди.

 

 

14 май 2018

“САЛОМАТЛИКНИНГ ЁШ ДЎСТЛАРИ” ВИЛОЯТ МУСОБАҚАЛАРИ

2018 йил 4 май куни Бухоро шаҳридаги “Сомоний” маданият ва истироҳат боғида туман/шаҳар санитар постлари мусобақаларида ғолиб бўлган жамоалар ўртасида “Саломатликнинг ёш дўстлари” вилоят босқичи беллашуви етти йўналишда – назарий ва амалий билимлар намойиши кўринишида ташкил этилди.

Жамоалар икки гуруҳда – мактаб жамоалари ҳамда лицей ва коллеж жамоалари ўртасидаги мусобақаларда беллашдилар. Мактаб жамоалари ўртасида 1-ўрин Бухоро туманидаги 1-мактабга, 2-ўрин Когон туманидаги 21-мактабга, 3-ўрин Қоровулбозор туманидаги 5-мактабга берилди. Лицей ва коллежлар гуруҳида эса 1-ўринни Бухооро тиббиёт институти қошидаги академик лицей, 2-ўринни Пешку “Афшона” тиббиёт коллежи, 3-ўрин Ғиждувон Агросаноат коллежи эгаллади.

Жамоаларни баҳолашда ҳамкор ташкилотлар фаол иштирок этдилар. Биринчи босқич вилоят ФВБ мутахассислари томонидан, иккинчи босқич – ҚЯОЖ ходимлари, 3-6 босқичлар – вилоят Соғлиқни сақлаш бошқармаси мутахасислари, 7-босқич – вилоят Ички ишлар бошқармаси мутахассислари томонидан баҳоланди ва ғолиблар аниқланди.

2018 йил 12-май куни Фарғона вилояти Фурқат туманидаги Иқтисодиёт касб-ҳунар коллежида мактаб ўқувчилари  ўртасида  «Саломатликнинг ёш дўстлари» мусобақасининг вилоят босқичи бўлиб ўтди.

Мусобақа Низоми асосида мактаблар “Меҳрибонлик гуруҳлари” жамоаси аъзоларининг  табиий, техноген офатларда ва  бахтсиз ҳодисаларда, юқумли касаллик эпидемиялари рўй бериши ҳолларида биринчи ёрдам кўрсата олиш амалий малака-кўникмалари синаб кўрилди. Шунингдек ўқувчи ёшларнинг санитария ва гигиена қоидаларига оид билимлари намойиш қилинди. Вилоят  миқёсида “Меҳрибонлик гуруҳи” ғолиб жамоалари аниқланди.

Мусобақа якунлари бўйича 1-ўрин Бешариқ туманидаги 11-умумий ўрта таълим мактаби жамоасига, 2-ўрин – Марғилон шаҳридаги 30-умумий ўрта таълим мактаби жамоасига ва 3-ўрин – Қува туманидаги 62-ИДУМ жамоасига берилди. Шунингдек, Фурқат туманидаги 18-мактаби жамоаси «Энг тезкор ва чаққон бажарилган тиббий ёрдам амали» номинацияси бўйича, Қувасой шаҳридаги  1-ИДУМ жамоаси «Энг билимдон ва моҳир иштирокчи» номинацияси бўйича, Фарғона туманидаги 3-мактаб жамоаси «Энг намунали форма» номинацияси бўйича  ғолиб деб топилди.

 

 

12 май 2018

“БИЗНИНГ САФИМИЗДАН ЎЗ ЎРНИНГНИ ТОП” 

2018 йил 12 май куни Ўзбекистон Қизил Ярим Ой Жамияти ҳамда ЎҚЯОЖ Тошкент шаҳар ташкилоти томонидан Қизил Хоч ва Қизил Ярим Ой Халқаро ҳаракатининг 155 йиллиги муносабати билан Ўзбек Миллий Академик драма театрида “Бизнинг сафимиздан ўз ўрнингни топ” шиори остида тадбир ўтказилди. 

Театр фойесида Ўзбекистон Қизил Ярим Ой Жамияти Ўқув-услубий маркази ва ҚЯО Тошкент шаҳар Учтепа туман бўлинмаси қошида имконияти чекланган болалар учун ташкил қилинган “Меҳригиё” тиббий-ижтимоий маркази фаолияти тўғрисидаги кўргазмали маълумотлар меҳмонлар эътиборига ҳавола этилди.

Элимиз суйган санъаткорларнинг чиқишлари тадбирга ўзгача завқ бағишлади. Қизил Ярим Ой Жамияти Тошкент шаҳар ташкилотига қарашли 5 та олий ўқув юрти бошланғич ташкилотлари – Тошкент Тиббиёт академиясининг “Адреналин”, Тошкент Давлат стомотология институтининг “Лидер”, Тошкент Давлат шарқшунослик институтининг “Шарқона”, Ўзбекистон Давлат санъат ва маданият институтининг “Ёшлар” ва Тошкент Давлат техника университетининг  “TEXNO STAR” жамоалари ўзларининг кулгу ва ҳазил мутойибага бой чиқишлари ва бошқа саҳна кўринишлари билан келган меҳмонлар кайфиятига янада кўтаринкилик бағишладилар.

Тадбирда ХҚХҚнинг Марказий Осиёдаги ваколатхонаси, Тошкент шаҳар ҳокимлиги хотин-қизлар қўмитаси, Ўзбекистон Республикаси Олий ва ўрта-махсус таълим вазирлиги, Соғлиқни сақлаш вазирлиги ва бошқармаси вакиллари ҳамда жамият фахрийлари, ходимлари ва кўнгиллилари иштирок этишди.

Тадбир сўнгида юқорида тилга олинган олий ўқув юртлари бошланғич ташкилотларидан қатнашган жамоалар аъзоларига, шаҳар санитария пости мусобақасида ғолиб бўлган Шайхонтоҳур туманидаги 19-мактаб ҳамда Олмазор туманидаги Политехника ва стандартлаш касб-ҳунар коллежи жамоаларига алоҳида фахрий ёрлиқлар, эсдалик совғалари топширилди.

 

5 май 2018

ХАЛҚАРО ТАДБИРЛАР

2018 йил 28-30 апрель кунлари Бишкек шаҳрида Қизил Хоч ва Қизил Ярим Ой жамиятларининг 23-Европа ёшлар учрашуви бўлиб ўтди. Унда Ўзбекистон ҚЯОЖ делегацияси иштирок этди.

Учрашувда ёшларни инсонпарварлик йўналишидаги масалаларни ечишга жалб этишнинг асосий йўналишлари муҳокама қилдинди. Бундан ташқари ҚХваҚЯОЖХФ Европа минтақасининг 2018-2020 йилларда фаолият олиб борувчи Ёшлар фаолиятини мувофиқлаштирувчи қўмитасига сайловлар ҳам бўлиб ўтди. Сайловда Болгария Қизил Хоч Жамияти Ёшлар ҳаракати вакили қўмита раиси этиб тайинланди. Учрашувда Қизил Хоч ва Қизил Ярим ой Европа ёшлар тармоғининг ваколатига оид ҳужжат янгиланди.

Тадбир якунида Ёшлар учрашуви декларацияси қабул қилинди, унда ёшлар ва кўнгиллиларнинг ресурсларни жалб этиш, фавқулодда вазиятларга тайёрланиш ва ҳаракатланиш, инсонпарварлик ёрдами кўрсатиш ва ижтимоий лойиҳаларни ишлаб чиқиш каби фаолият йўналишларидаги иширокини кучайтириш каби  вазифаларини кенгайтиришни ўз ичига олади.

         2018 йил 2 - 5 май кунлари Олма Отада Қизил Хоч ва Қизил Ярим ой Жамиятларининг 10-Европа минтақавий конференцияси бўлди. Унда 53 мамлакатнинг миллий жамиятлари қатори Ўзбекистон ҚЯОЖ делегацияси ҳам иштирок этди.

Конференцияда “Европа минтақаси миллий жамиятларининг минтақавий, миллий ва маҳаллий даражаларда барқарорликни таъминлаш, гуманитар ёрдам кўрсатиш ва ижтимоий қўмалашишдаги индивидуал ва жамоавий таъсирини кенгайтириш” масаласи муҳокама қилинди.

Конференциянинг меҳнат миграцияси масалаларига оид семинарига Ўзбекистон ҚЯОЖ раиси Х.Я.Каримов бошчилик қилди, унда Европа ва Марказий Осиё минтақаси миллий жамиятларининг меҳнат мигрантлари билан ишлашдаги салоҳияти муҳокама қилинди.

Конференцияда Ўзбекистон ҚЯОЖ делегацияси томонидан “Маҳаллий даражада ресурсларни жалб этиш тизимини мустаҳкамлаш” мавзуси контекстида Миллий Жамият барқарорлигига оид асосий устувор масалалар ёртиб берилди. Ушбу масалага бағишланган семинарда мамлакатимиз ҚЯОЖ раиси ЎҚЯОЖнинг гуманитар фаолиятини амалга оширишда ресурсларни жалб этиш модели ҳақидаги тажриба билан ўртоқлашди.  

Конференцияда Европа ва Марказий Осиё минтақасида келгуси тўрт йилда амалга ошириладиган гуманитар фаолиятнинг асосий йўналишларини белгилаб берувчи Олма Ота мажбуриятларига оид ҳужжат қабул қилинди.

 

 

3 май 2018

“ЁШ ҚУТҚАРУВЧИ” МУСОБАҚАСИНИНГ

РЕСПУБЛИКА БОСҚИЧИ

 2018 йилнинг 2-3 май кунлари Фарғона шаҳридаги Ислом Каримов номли санъат саройида мактаб ўқувчилари ўртасидаги “Ёш қутқарувчи” мусобақасининг республика босқичи бўлиб ўтди.

Унда 12 та вилоят ва Қорқалпоғистон Республикасидан келган 8 аъзодан иборат ўқувчилар жамоалари мусобақа низомида белгиланган шартлар асосида беллашишди. Мусобақага Ўзбекистон Республикаси Фавқулодда вазиятлар вазирлиги, Фарғона вилоят Қизил Ярим Ой Жамияти ташкилоти, вилоят Фавқулодда вазиятлар, Соғлиқни сақлаш, ўрта-махсус касб-ҳунар таълими, халқ таълими, маданият бошқармалари, ёнғин хавфсизлиги бўлими  ходимлари таклиф этилди. Икки кун давом этган мусобақаларда жамоалар ўз ижодий ишлари ва назарий билимларини кўрсатиш билан бир қаторда, эстафета, сувли тўсиқдан арқонда ўтиш, палатка тиклаш, жароҳатланганларга биринчи ёрдам кўрсатиш, ёнғин содир бўлганда тўсиқлардан ўтиш каби шартлар бўйича беллашдилар.

Мусобақада Фарғона вилояти Қувасой шаҳридаги 1-ихтисослашган давлат умумтаълим мактаби (ИДУМ) жамоаси 1-ўринни эгаллади. 2-ўринни Навоий вилояти жамоаси, 3-ўринни Қорқалпоғистон Республикаси вакиллари эгаллади.

“Энг яхши тиббий амал” номинацияси бўйича ғолибликка Самарқанд вилояти жамоаси лойиқ деб топилди. “Энг билимдон” номинацияси бўйича ғолибликни Сирдарё вилояти жамоаси эгаллади. “Энг ҳамжиҳат жамоа”  номинацияда ғолибликни Жиззах вилояти жамоаси олди. “Энг ёш қутқарувчи ўғил бола” номинациясида Наманган вилояти ўқувчиси ғолиб бўлди. “Энг ёш қутқарувчи қиз бола” номинациясида эса ғолиблик Фарғона вилоятилик ўқувчи қизга насиб этди.

Мусобқада 154 нафар мусобақа иштирокчилари ва мураббийлар, мусобақа шартларини баҳолаб бориш учун 12 нафар ҳакамлар иштирок этди.

 

25 апрел 2018

 

БИРИНЧИ ЁРДАМ БЎЙИЧА ЎҚУВ СЕМИНАРЛАРИ 

2018 йил 2 – 6 апрел кунлари ЎҚЯОЖ Республика ўқув-услубий маркази (РЎУМ)да ХҚХҚнинг Марказий Осиёдаги Минтақавий ваколатхонаси кўмагида амалга оширилаётган “Фавқулодда вазиятларга тайёрланиш ва ҳаракатланиш” дастурининг “Биринчи ёрдам” сегменти доирасида Ўзбекистон ҚЯОЖ вилоят ташкилотлари ходимлари ва кўнгиллилари учун шу йўналишдаги семинар-тренинг бўлиб ўтди. 

Унда катта халқаро ва амалий тажрибага эга бўлган мутахассислар: ХҚХҚнинг Россия Федерацияси, Беларус ва Молдова республикаларидаги Минтақавий Делегацияси Биринчи ва госпиталгача ёрдамни ривожлантириш бўйича ХҚХҚ делегати А.Нечай, Беларус ҚХЖ Гродно шаҳар ташкилоти раиси, Биринчи ёрдам бўйича халқаро Мастер-тенер Е.Русинович иштирок этдилар.

Тренингда “Базавий курс ва инструкторлар курси бўйича малака ошириш”, “Педагогик ривожланиш жараёни”, “Таълимни ташкил этиш”, “Фаолиятнинг базавий усул ва шакллари”, “Биринчи ёрдамга оид махорат дарслари, махорат дарслари бўйича амалий машқлар” ва бошқа масалалар кўриб чиқилди.

Учрашув натижаларига кўра халқаро даражадаги мутахассислар томонидан аҳолини биринчи ёрдам кўрсатишга ўқитишни ривожлантириш бўйича тегишли тавсиялар берилди.

Андижон вилоятида ҳам “Биринчи ёрдам кўрсатиш асослари” бўйича ўқув курслари ўтказиб келинмоқда.  Улар вилоят ҳокими - Фуқаро муҳофазаси бошлиғининг 2016 йил  20-майдаги “Андижон вилоят ташкилот, идора, муассаса ва корхоналарида фуқаро муҳофазасининг штатдан ташқари санитар тузилмаларини тузиш ва улар шахсий таркибини бошланғич махсус тайёргарлик ўқув курсларидан ўтказиш чора-тадбирлари тўғрисида”ги буйруғига асосан ташкил этилмоқда.

 Вилоят ўрта махсус, касб-хунар таълими муассасалари педагогларини ўқитиш дастури муваффақиятли амалга оширилмоқда.  Ўрта махсус, касб-ҳунар таълими ҳудудий бошқармаси бошлиғининг бўйруғи асосида апрель – май ойларида касб-ҳунар коллежлари ходимлари учун 31 ўқув курси ташкил этилди ва 427 киши Биринчи ёрдам кўрсатиш бўйича контракт асосида ўқитилди. Ўқув курсларидан тушган маблағ 17 миллион сўмни ташкил этди.

 

 

 

НАВРЎЗ БАЙРАМИ МУБОРАК БЎЛСИН!

Мамлакатимизга баҳор билан бирга янгиланиш, нафосат ва гўзаллик байрами Наврўз кириб келди. Азалдан бу байрам кўплаб мамлакатларда, шу жумладан, бизнинг юртимизда шод-хуррамлик билан кутиб олинган. Ерга барака уруғлари қадалган, янги боғ-роғлар ташкил этилган, кишилар эски гина-кудуратларини унутиб бир-бирларини қутлашган, айниқса болажонлар ва кекса авлод вакилларига алоҳида мурувват кўрсатилган. Наврўзнинг ана шундай асрий қадриятларига ҳамоҳанг фаолият юритаётган ва бу йил 93 ёшини қарши олаётган Ўзбекистон Қизил Ярим ой Жамияти мазкур айёмни ўз сафларини янада мустаҳкамлаш, ўз фаолият йўналишларини амалга оширишга ёш авлод вакилларини янада кенгроқ жаб этиш билан кутиб олмоқда.

Ўзбекистон Республикаси Президентининг “Ўзбекистон Республикасини янада ривожлантириш бўйича Ҳаракатлар стратегияси” Фармонида аҳолининг ижтимоий муҳофазасига катта эътибор берилган. Жамиятимиз ушбу ҳужжатда кўрсатилган вазифаларни амалга оширишга ўзининг бор кучини сарфлайди. Ўзбекистон ёшлар иттифоқи, республика Соғлиқни сақлаш, Халқ таълими, Олий ва ўрта махсус таълим, Фавқулодда вазиятлар вазирликлари, Хотин-қизлар қўмитаси, “Нуроний” ва “Маҳалла” жамғармалари билан Жамиятимиз ўртасидаги ҳамкорликнинг янада мустаҳкамланаётгани ва кенгаяётгани мамлакатимизда олиб борилаётган инсонпарварлик фаолиятининг муваффақиятини таъминлаши шубҳасиз. Бунда Жамиятимизнинг кўплаб ташкилот ва бўлинмалари томонидан тайёрланган ижтимоий лойиҳаларнинг Ўзбекистон Республикаси Олий Мажлиси ҳузуридаги Нодавлат нотижорат ташкилотлари ва фуқаролик жамиятининг бошқа институтларини қўллаб-қувватлаш Жамоат фондининг грантларига сазовор бўлганлиги ўзига хос аҳамият касб этади. Уларнинг мазмуни “Фаол тадбиркорлик, инновацион ғоялар ва технологияларни қўллаб-қувватлаш йили” деб эълон қилинган 2018 йилнинг асосий ғояси билан уйғундир.

Ана шундай муборак байрамда оилаларингизга тинчлик-хотиржамлик, бахт-саодат, мустаҳкам соғлик, олдингизга қўйган юксак марраларни забт этишингизда барчангизга муваффақиятлар тилайман.

 Ўзбекистон ҚЯОЖ

Раиси

Х.Я.Каримов.

 

 

 

2018 йил 13 феврал

 

ҲАМКОРЛИК БИТИМИ

 

2018 йил 13 февралда Миллий жамият марказий офисида Ўзбекистон Қизил Ярим ой Жамияти ва Халқаро Қизил Хоч Қўмитаси ўртасида 2018 йилда ҳамкорлик қилиш бўйича Келишув имзоланди. Ўзбекистон ҚЯОЖ ва ХҚХҚнинг Марказий Осиёдаги Минтақавий ваколатхонаси ўртасидаги самарали ҳамкорлик йилдан йилга мустаҳкамланиб бормоқда.

 

ХҚХҚ Жамият потенциалини мустаҳкамлаш ҳамда Қизил Хоч ва Қизил Ярим ой Халқаро ҳаракатининг Асосий тамойилларини илгари суриш ва мустаҳкамлашга кўмаклашади. Халқаро инсонпарварлик ҳуқуқини тарқатиш, фавқулодда вазиятларга тайёрланиш ва улар юз берганда ҳаракат қилиш каби йўналишлар бўйича ўзаро ҳамкорлик йўлга қўйилган.  

 

Масалан, Келишувга кўра фавқулодда вазиятларга тайёргарлик йўналиши бўйича аҳолини, айниқса болаларни маҳаллалар ва мактабларда биринчи ёрдам кўрсатиш кўникмаларига ўқитиш, зарур қурилмаларни харид қилишга оид лойиҳаларни амалга ошириш кўзда тутилган. Шунингдек, Ўзбекистон ҚЯОЖ қошидаги офатларда ҳаракат қилувчи Миллий терма команда учун анъанавий дала йиғини, сув санитарияси ва ФВда логистика бўйича тренинг ташкил этилади ҳамда ФВ юз берганда заҳиралар тўлдирилади.

 

Амалга оширилувчи тадбирларда мамлакат ОАВ журналистларининг иштирок этиши кўзда тутилган. Келишув доирасида кўнгилли журналистлар учун ёзги лагер йиғини ташкил этилади.

 

 

2018 йил 16 феврал

 

СИРДАРЁДАН ХАБАРЛАР 

2018 йил 14-16 февраль кунлари Боёвут туманидаги “Маьнавият”, ”Фарход” МФЙ аҳолиси, Боёвут пахта тозалаш АЖ, туман электр тармоқлари корхонаси ходимлари, Қишлоқ хўжалик касб-ҳунар коллежи, 10 сонли мактаб ўқувчилари иштирокида “Бошқарув органлари, ФВДТ худудий ва функционал қуйи тизимларининг табиий хусусиятли  фавқулодда вазиятлар оқибатларини бартараф этиш бўйича ҳаракати” бўйича  қўмондонлик  ўқув машқлари ўтказилди.

Фавқулодда вазиятлар содир бўлганда жалб этилган куч ва воситаларни бошқариш ва раҳбарлик қилиш мақсадида вилоят ФМ бошқарув маскани (харакатдаги бошқарув маскани) ва туман йиғма командасининг куч ва воситалари кўрикдан ўтказилди, ФВДқТ хизматлари куч ва воситалари зилзила натижасида жабрланган аҳолига тиббий ёрдам кўрсатиш машқларини амалга оширди.

Машқларда Боёвут тумани “Маьнавият” маҳалласи аҳолисини юзага келган табиий хусусиятли фавқулодда вазиятлардан хабардор этиш, жабрланган (бошпанасиз қолган) аҳолини хавфсиз ҳудудларга тезкорлик билан кўчириш ишларини ташкиллаштириш ва аҳолини тўғри  ҳаракат қилишга ўргатиш, йиғиш ва “Фарҳод” маҳалласида аҳолини қабул қилиш пунктлари фаолиятини ташкил этиш амалда кўрсатилди. Шунингдек “Техноген хусусиятли фавқулодда вазият содир бўлганда обьект фуқаро муҳофазаси тузилмаларнинг туман ФВДқТ хизматлари билан ҳамкорликдаги харакатлари” мавзусида махсус–тактик ўқув машқи ҳам ўтказилди.

 

 

 

 

2018 йил 14 феврал

 

ЮНИСЕФ вакиллари билан ўтказилган учрашув ҳақида ахборот

 

2018 йил 14 февраль куни Ўзбекистон ҚЯОЖ офисида мамлакатимиз ҚЯОЖ раҳбарияти ва ЮНИСЕФ вакилларининг учрашуви бўлиб ўтди. Учрашувда ЮНИСЕФнинг

 

Ўзбекистондаги ваколатхонаси раҳбари ўринбосари Афшин Парси ушбу ташкилотнинг мамлакатимизда олиб бораётган фаолияти ҳақида гапириб берди ҳамда фавқулодда вазиятларга тайёрланиш ва улар юз берганда ҳаракат қилиш соҳасида ўзаро ҳамкорлик қилиш таклифи билан чиқди. Ўз навбатида Ўзбекистон ҚЯОЖ раиси Х.Я.Каримов меҳмонларга Жамият фаолияти, унинг республика аҳолисини биринчи ёрдам кўрсатишга ўқитиш борасида етарли потенциалга эгалиги ҳамда Ўзбекистон Республикаси фуқароларини фавқулодда вазиятларга тайёрлаш ва бундай вазиятлар юз берганда ҳаракат қилишга оид кенг қамровли ишларни амалга оширишга тааллуқли расмий ҳужжатлар ҳақида сўзлаб берди.

 

Учрашув якунида Ўзбекистон ҚЯОЖ ва ЮНИСЕФ ўртасида ўзаро ҳамфикрлилик меморандумини тайёрлаш мақсадида ҳар иккала ташкилот фаолиятидан яхши хабардор бўлган вакиллардан иборат ишчи гуруҳи тузиш, бу ҳужжатда ушбу ташкилотлар фаолиятининг асосий йўналишларини акс эттиришга қарор қилинди.

 

 

 

2018 йил 11 январ

 

ГРАНТЛАР БАЖАРИЛИШИГА СТАРТ БЕРИЛДИ

 2018 йил 10 январ куни Ўзбекистон Қизил Ярим ой жамиятининг “Инсонийлик” ўқув-услубий марказида Ўзбекистон Республикаси Олий Мажлиси ҳузуридаги Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш Жамоат фонди грантига сазовор бўлган лойиҳалар координаторлари учун семинар бўлиб ўтди.

Унда йиғилганларга “Ҳаракатлар стратегиясини амалга оширишда фуқаролар эркинликларини, қонуний ҳуқуқлари ва манфаатларини таъминлашда ижтимоий шерикликдаги лойиҳаларни қўллаб-қувватлаш” мавзусидаги қўшимча 6-танлов якуни натижаларига кўра Ўзбекистон Қизил Ярим ой Жамиятининг Парламент комиссияси томонидан ғолиб деб топилган лойиҳаларини амалга ошириш бўйича ўқув-услубий йўриқномалар берилди.

Ушбу танлов ғолиблари орасида Ўзбекистон ҚЯОЖ Қорақалпоғистон республика ташкилотга қарашли Кегайли туман бўлими, Бухоро вилоят ташкилоти Ромитан туман бўлими, Жиззах вилоят Ғаллаорол туман бўлими,  Қашқадарё вилоят ташкилоти, Навоий вилоят ташкилоти, Наманган вилоят ташкилоти Чуст тумани бўлими, Самарқанд вилоят ташкилоти Жомбой туман  бўлими, Сирдарё вилоят ташкилоти Боёвут туман бўлими, Сурхондарё вилоят ташкилоти Шеробод туман бўлими, Тошкент вилоят ташкилоти Қибрай  шаҳар бўлими, Фарғона вилоят ташкилоти Қўқон шаҳар бўлими, Хоразм вилоят ташкилоти Боғот туман бўлими, Ўзбекистон ҚЯОЖ марказий ижро аппарати лойиҳалари – жами 13 та лойиҳа бор.  Йиғилганларга Жамиятимиз тарихида биринчи марта унинг турли ташкилотлари томонидан ёзилган лойиҳалар Олий Мажлис жамоат фондининг шунчалик кўп миқдордаги грант маблағларини бирданига ютганлиги алоҳида мамнуният билан айтиб ўтилди.

Шундан сўнг Ўзбекистон ҚЯОЖ ташкилий ривожланиш бўлими бошлиғи,  “Соғлиқни сақлаш соҳасидаги ислоҳотларнинг ижроси самарадорлигини таъминлаш борасида Ўзбекистон ҚЯО жамиятининг иштироки” номли лойиҳа координатори Т.С.Собитов ушбу лойиҳа ҳақида, Сурхондарё вилоят ташкилоти раиси Р.М.Акбаров “Жамоатчилик назорати - аҳоли саломатлигини мустаҳкамлаш кафолати” номли лойиҳа ҳақида сўзлаб беришди. Улар йиғилганларни лойиҳаларни амалга ошириш давомида режалаштирилган фаолиятни амалга ошириш, молиявий маблағларни сарфлаш ва ҳисоботини олиб бориш, якуний ҳисобот ҳужжатларини тайёрлаш ҳақида хабадор қилдилар.  ҚЯОЖ Навоий вилоят ташкилоти раиси М.А.Баҳриева лойиҳаларни амалга оширишда туман марказий шифохонаси, “Маҳалла” фонди, Хотин-қизлар қўмитаси, “Нуроний” ва Ёшлар Иттифоқи маҳаллий бўлинмалари  ҳамкорлик олиб бориш ҳақида атрофлича тушунтириш берди. ҚЯОЖ Қўқон шаҳар бўлинмаси ижрочи директори Ш.Етобқўзиева ва Жомбой туман ҚЯОЖ бўлинмаси Ижрочи директори Н.С.Гафуровалар жамоатчлик назоратини олиб бориш бўйича тавсиялар ҳамда лойиҳани амалга оширишда Ўзбекистон ҚЯОЖ кўнгиллиларининг ёрдами хусусидаги фикрлари билан ўртоқлашдилар.  

Семинар иштирокчилари билдирилган ишонч учун Олий Мажлиснинг Жамоат фондига миннатдорлик билдириб, лойиҳаларни ўз вақтида ва ўрнатилган қоидаларга риоя қилган ҳолда бажаришлари хусусида ўз фикрларини баён қилдилар. Семинар иштирокчилари Тошкент шаҳар Шайхонтохур туманидаги 47-оилавий поликлиникада ўрнатилган замонавий техника асбоблари билан танишиб, улардан бажарилажак лойиҳаларни амалга оширишда фойдаланиш хусусида керакли ахборотга эга бўлдилар.

 

<  1   2   3   4   5   6   7   8   9 >

 

© Ўзбекистон Қизил Ярим Ой Жамиати